O CDTI Innovación difunde o lanzamento da convocatoria 2024 do Partenariado europeo “Agroecology”

Este Partenariado  ten como obxectivo impulsar o apoio ao sector agrícola europeo para cumprir cos obxectivos e desafíos do cambio climático, a perda de biodiversidade, a seguridade e soberanía alimentaria e o medio ambiente e, así mesmo, garantir unha actividade rendible e atractiva para os agricultores.

Esta convocatoria céntrase en dous temas:

• Enhancing Agroecology at the farm level
• Implementing Agroecology at the landscape level

A convocatoria ten dúas fases:  

Pre-propostas: data de peche: 26 de abril de 2024, 14.00 h CET.

Proposta completa para aquelas solicitudes que resulten aprobadas na primeira fase: data de peche: 19 de setembro de 2024, ás 14.00 h CET.

Recentemente, publicouse unha ferramenta para a procura de socios europeos que queiran participar nesta convocatoria.

Participación española

Cada empresa española participante nun consorcio internacional deberá enviar, en paralelo, a través da sede electrónica do CDTI Innovación, unha solicitude preliminar PAR ata o 26 de abril de 2024. Dita solicitude consiste nun formulario en liña acompañado dunha memoria técnica que describirá, en castelán, as actividades de I+D que a empresa levará a cabo e o orzamento da participación da compañía española na proposta internacional.

Financiamento do CDTI Innovación

O orzamento comprometido polo CDTI Innovación para esta primeira convocatoria é de 500.000 euros en subvencións.  Este organismo concederá axudas a empresas a través dunha subvención de ata un 70% do orzamento financiable.

Webinario

O próximo 5 de marzo (10:00-13:00 CET) celebrarase un webinario organizado polo organismo alemán JULICH Forschungszentrum durante o cal se explicarán as principais características desta convocatoria.

Contacto

Recoméndase que cada socio contacte coa súa axencia canto antes, en canto teña unha idea de proxecto. Para obter máis información sobre as convocatorias e un asesoramento personalizado da súa proposta, pode contactar coa Dirección Adxunta de Cooperación Tecnolóxica, a través do e-mail: partenariadoshe@cdti.es ou do teléfono (+34) 91 581 04 89.

CDTI Innovación

O CDTI Innovación é a Axencia de Financiamento da Innovación do Ministerio de Ciencia, Innovación e Universidades que promove a innovación e o desenvolvemento tecnolóxico das empresas españolas, canalizando as solicitudes de financiamento e apoio aos proxectos de I+D+i de entidades españolas nos ámbitos estatal e internacional. Contribuímos á mellora do nivel tecnolóxico das empresas españolas e impulsamos e, cunha rede internacional con cobertura de 51 países, acompañamos a participación española en programas internacionais de cooperación tecnolóxica e a transferencia internacional da súa tecnoloxía empresarial. O CDTI tamén apoia a creación e consolidación de empresas de base tecnolóxica en España.
 
O Centro para o Desenvolvemento Tecnolóxico e a Innovación, E.P.E. (CDTI) é unha entidade pública dependente do Ministerio de Ciencia, Innovación e Universidades.

Máis información:

Oficina de Prensa
prensa@cdti.es
91-581.55.00

En Internet
Sitio web: www.cdti.es
En Linkedin: https://www.linkedin.com/company/29815
En X: https://twitter.com/CDTI_innovacion
En Youtube: https://www.youtube.com/user/cdtioficial