Neotec Innvierte 2017 foroak

Garapen Teknologiko Industrialerako Zentroa (CDTI) oinarri teknologikoko enpresa gazteei buruzko bi inbertsio-foro antolatzen ari da, non Bizitzaren Zientziaren eta IKT eta Industria Teknologien sektoreak ardatzak izango diren. Foro horiek azaroan izango dira, Madrileko egoitzan, Cid kaleko 4.ean.

• NEOTEC-INNVIERTE foroa Bizitza-zientziak: 2017ko azaroaren 8a
• NEOTEC-INNVIERTE foroa IKT eta Industria-teknologiak: 2017 Azaroak 22a

INBERTSOREEN INSKRIPZIOA (zabalik)

Mesedez, erregistratu interesatzen zaizun foroan: Erregistratzeko formularioa

HELBURUA:

Funtsean, ikusgarritasuna handitzeko eta kapital moduan finantzaketa lortzeko (seed eta venture capital) aukera eman nahi zaie, bai CDTIren NEOTEC dirulaguntzen programaren azken deialdietan parte hartu duten etorkizun handieneko enpresei, bai Europar Batasuneko H2020 ETE tresnaren bidez finantzaketa edo bikaintasun-zigilua jasotzen duten enpresei. Foroetan sektoreko inbertitzaile garrantzitsuenek parte hartuko dute, baita beren negozioaren eremuko start-upetan inbertitzeko interesa duten enpresa garrantzitsuek ere.

PARTE HARTZEN DUTEN ENPRESEN BALDINTZAK:

• Gazteak: 2010etik aurrera sortuak
• Izaera teknologiko nabarmena
• Hazteko ahalmen handia
• Hastapen- edo abio-egoeran egotea, kapital-finantziazioaren bila

ERREGISTRATZEKO PROZESUA (itxita)

Enpresak hautatzeko prozesua lehiakorra da. Hau da, enpresa hautagaiek CDTIren barne-ebaluazioko prozesua pasatuko beharko dute, inbertitzaileen profilerako proposamen egokienak aukeratzeko. 

Hautatutako enpresek prestakuntza prozesu bat jasoko dute (doakoa), negozio eredua definitu eta finantzaketa bilatzeko eremuetan. Horrez gain, enpresa bakoitzari coach espezializatu bat esleituko zaio, bere negozio-eredua sektoreko inbertitzaile pribatuen interesekin lerrokatzen laguntzeko eta foroan aurkezpena prestatzeko.

Ebaluazio-prozesuan bi dokumentu eskatuko dira:

• Konpainiaren egikaritze Laburpena (2-4 orrialde)
• Inbertitzaileei zuzendutako enpresarenaurkezpena (10-15 orrialde)

Egikaritze laburpena deskarga dezakezu atal honetan: Dokumentua deskargatzeko esteka

Enpresaren aurkezpenak formatu librea du, baina egikaritze laburpenaren gidoi berari jarraitzea gomendatzen da.

GERTAERA GARRANTZITSUAK:

• 2017eko uztailaren 27an- Zure enpresak hautaketa-prozesuan parte hartuko duela berrestea, zure datuak formulario honetan sartuta: Erregistratzeko formularioa
• 2017eko irailaren 8an- Eskatutako dokumentazioa bidaltzeko azken eguna. Kargatu dokumentuak esteka honetan: Dokumentuak kargatzeko formularioa

CDTIk Espainiako start-upen hazkundea babesten du, batez ere INNVIERTE programaren ⁽¹⁾ eta NEOTEC dirulaguntzen deialdiaren ⁽²⁾ bidez.

1. INNVIERTE programaren helburua da hazteko ahalmen handiko eta oinarri teknologikoko enpresen hazkundea sustatzea, arrisku-kapitalaren inbertsioaren bidez. Orain arte, hazi-kapital, venture capital eta arrisku-kapital delakoetan inbertitzeko 17 ibilgailutan hartu du parte CDTIk.
2. NEOTEC deialdiak enpresa berritzaile gazteei 250.000 euroko dirulaguntzak ematen dizkie.

• Inbertsio-foroak CAMPUS CDTI ekimenaren barruan gauzatu dira. Ekimen horren helburua da Espainiako teknologia-oinarriko enpresa gazteei balio erantsi handiko zerbitzuak ematea, haien hazkundea eta finkapena errazteko